Su
maiolu
de Gaetano Canelles (1876-1942)
Scarica il
file audio MP3 di questa poesia
per ascoltare la versione recitata da Ignazio Pilia (320 kb)
Sa Illiaga prus manna de Casteddu
po chini no ddu scit est su majolu
chi de bidda ndi benit, solu - solu
po fai fortuna, ancora piccioccheddu!
Bogau su callu e postu su cappeddu
istudiendi a moda de bestiolu,
in sa vida senz'atturu consolu,
de mixinas o leis pigat s'aneddu!
Sa schina pinnichendi innoi o innia
allompit a zittari, o prus a susu:
tottu in Casteddu porit capitai!
Poniddi guantus, gruxis, oreria!
faiddu deputau, mancai de prusu;
ma de majolu non ddi bessit mai!